What's that, mate?

[5vannemerwea]

Jip, ons almal kom op daardie punt. Een of ander tyd moet jy die Aussies en hulle taal en met die vreeslike aksent aanvat. Die oomblik het vir ons oor die naweek aangebreek, en dit oor sport en noodsaaklikheid.

Ek het vir myself die belofte gemaak dat ek hier in Australie my buitelug stokpertjies baie meer ernstig gaan opneem. Ek bedoel, ons verdien mos nou dollars, die geleenthede is hier. Daar is niks wat my nou keer om hengel & travel ou te word nie. Karre is goedkoop is Oz .

Sportwinkeltjies is om elke draai. Dan, ek wil met my seun so veel moontlik avonture saam aanpak, iets waarvoor die geleenthede in Afrika nie so bereikbaar was soos hier nie. Die storie het eintlik so begin.

Met die dat ons die week kan rondhang en tande tel het ons "gasheer" vir my 'n 10' visstok gegee. Hier begin die sport(s) toe nou amptelik. Die stok se heel voorste ogie se plastiek het verloor, ek moet dit laat reg maak en die ding is myne. Vrydag nadat die kroos aangetrek en opgewerk is om die viswaters aan te pak stop ek gou eers by 'n hengel winkeltjie in die dorp. Ek neem die stok na so vriendelike outjie agter die toonbank: "G'day, could you help me with this thing? The plastic in that ring is lost, you do repairs on sticks uuhh, rods?" Die storie kos toe 'n skamele $2, selfs in Rand is dit nie te sleg nie. Terwyl hy besig is met die visstok loop ek deur die winkel. Gits, die blinklywe spring mos nie op aanvraag uit die water nie, hoeke, sinkers, aas dan is die wereld mos reg. Vanaand braai ons vis vir die eerste keer!!! My eie vis!! Ek skraap so ding of twee saam en gaan om my stok te kry en te betaal. By die toonbank besef ek die prentjie is nognie volledig nie. Ek kort 'n katrol, daardie een wat so ggrrrrrrr ggrrrrrrrr as my selfoon 'n sms kry. "O yeah, I need a, a, a, uuuhh (hoe de hel se ek vir 'n Ozzie wat kwalik my Engels verstaan ek soek 'n katrol as ek nie die file kan opspoor waarin my "translation" in gedoen word nie?). Ek maak met my regterhand die beweging na asof ek vinnig in katrol en maak die ggrrrrrr ggrrrrrrrrr geluid so getrou as moontlik na. Gelukkig snap die ou omniddelik wat ek soek: "O, your'e looking for a reel. Yeah, you got it!!" Ek moet erken al die ander in die winkel se dag is gemaak, hulle skud soos hulle lag vir my beskrywing van my behoefde. Ons stap saam na die rak met die klomp katrolle in. "Which one your'e looking for?" Hoe moet ek dit nou weet, jy is mos die verkoopsman, jy het my visstok gesien, jy het selfs aan hom gewerk, jy het die hoeke, sinkers, aas en alles gesien wat ek gekoop het en dan wonder jy nog watter katrol ek moet koop. Al wat ek regtig kon antwood was: "Not to expensive but not crap either. Tell you what, you give me a good average reel at a good price and I'm set." Ek koop toe so $50 enetjie. Koffiekatrol, wat de snork is 'n koffiekatrol in Engels? "Coffee reel" klink net nie reg op die boertjie se oor nie.

Uiteindelik is ons "gegear" vir die see. Die wind was effens koelerig maar, so op die punt van die strandjie was 'n lekker private hoekie sonder wind. Nou moet ek die visvang goed begin regkry terwyl vroulief melk en lekkergoed aan die kinders verskaf. Deur die hele tyd op die strand het Corne dit die meeste geniet. Sy go was uit toe ons die namiddag begin oppak. Die aand het hy soos 'n 1100 Datsun met 'n 3t sleepwa met so ruk tot stilstand gekom.

Met my het die dag so bietjie anders verloop. Ek kon nie al die hengelknope onthou nie. Hoe die hoek en sinker aankom nie. Die het ek darem als so op my eie manier baas geraak. Ek kan mos nie dat 'n amper onsigbare nylon toutjie my sommer onder kry nie. Wat gaan my vrou van my dink? Reg vir die eerste ingooi. Boetie, vanaand braai ons vis, my eie vis, self gevang met my eie stok en katrol. Vroulief het spesiaal 'n aksiefoto van die gooislag geneem. Sal dit ook op die net laai. Dit was 'n meestergooi met die hoek, lyn en sinker die kant toe en die aas daai kant toe. Katrol uit, soek 'n lekker gevriesde vissie uit, wriemel die hoek deur sy kop en derms (jammer dames, een van daai dinge in die lewe) en die hele proses word herhaal. Elke keer herhaal die seperasie van die aas en die res homself. Ek het later ophou tel hoeveel vissies ek in die see in gegooi het. Die toffie het ek ook later bemeester dat alle komponente "intact" bly. Elk keer is my aas deur een of ander klomp klein boggertjies afgevreet nog voor die regtige grotes dit kon bykom. Geen vis vir die dag gevang nie. Die ontspanning en die uitspan op die strand was nie te min heerlik. More gaan ek weer. Ek sal die blinklywe nog op sulke streepe uittrek. Sahra se gat gaan nog tweede kom.

Die namiddag wil ek my ouers bel om te vra vir hulp met ongedane sake in SA. Ek stap in ons plaaslike kruidenierswinkel en by die toonbank wil ek hoor of hulle telefoonkaarte verkoop. "Do you sell prepaid cards?" Yes sir whe do, for what network is it? Well I need to make an international call to South Africa. I want those cards that I can use from a tiekieboks. Sorry mate, what's that?" Tiekieboks, tiekieboks, hoe beskryf ek vir die vrou 'n tiekieboks? "I want to make a call from one of those public phones outside on the street. Those with the big orange Telstra sign on it, please. O, a boxphone?. No, we don't sell those cards, sorry. No worries."

Sodra jy "G'day, how're going" en "no worries" bemeester het dan het jy al die helfde van die kommunikasie gaping oorbrug, oefen die solank. Om die aksent solank reg te kry, probeer solank die volgende. Druk jou neus toe, glimlag vir jouself in die spieel en wholla!! You got it mate! Nie so moelik nie.

Haai, alweer slaaptyd. Dit is die lekkerste tyd om op die forum te wees. Vroulief en die kinders slaap, alles is stil en ek kan my aandag aan my aangenome familie gee. Ek gaan wratag more weer die viswaters opsoek as die wind nie te koud is nie.

Groete vanuit Ozland

O ja, ek sit weer 'n paar foto's by. http://picasaweb.google.co.uk/mcvdmerwe/EdenNSW

Martin

[VivaOZ]

Martin

Baie dankie weer vir 'n lekker storie. Jou stories is altyd so lekker om te lees en dit maak my Afrikaanse hart warm om in my taal te lees. Veral as ek lees van dinge wat met my ook gebeur in Oz (die name wat ons ken en hulle nie weet nie) En tot my engelse man het die een geniet hoor!!!

Sien uit na die volgende een!!!

Wilma

[CindyB]

Lekker storie Martin, dankie hoor.

[BasinOzson]

Dankie Martin. Jy doen dit weer!!! Ek sit en giggel hier soos 'n tiener. Ai mens ek sien myself met die Ingels dit gaan moeilik wees.

[Nilo]

Nog 'n wenner!! So by the way ek dink die kartrol is 'n coffee grinder? Maar komende van my sal ek dit nie glo nie LOL!! Wat ek van visvang af weet is gevaarlik!

[legrange]

Hallo Martin

Jy moet tog kom kuier dat jy en Cornelis kan visvang en ek en Vanessa saam die kids kan kuier. Dankie vir jou storie ons sukel ook met klomp woorde en dan sukkel jy nog om dit te verduidelik. Ons sukel nog met die Mobile. Cellphone is mos engels!! maar hulle het nie 'n idee wat mens sê nie. Wat nog van droeëwors. Maar een ding is verseker en 'n braai is nie 'n barbie nie. 'n Braai bly 'n braai en op oop kolle met mieliepap!

Goed gaan met julle.

Jacqueline

[Biltongboer]

Ek like daai foto van die Kangaroo wat se: "gday mate"!

[somarie]

Lekker gegiggel vir jou storie. Oulike fotos ok. Al is jy nou nog nie 'n ekspert hengelaar nie, maak jy darem al die prentjie!

[Guest San]

Like usual a very nice read!

[Alida]

Jy lyk na 'n yster met daardie koffiekatrol ! Ons soek die foto van die eerste vis, hoor !

[Stephen]

Hi,

Sjoe, jy kan darem maar vir jou n prentjie teken, dankie weereens, moet asb nie ophou nie.

Ons tel die slapies af en kan nie meer wag nie.

Eden lyk soos sy naam (Garden of Eden...) Pragtig voorwaar! Kan nie wag om daar te gaan ontspan langs die see nie.

Ja die ingilse deng is maar n ding vir ons almal soos laasjaar wat ek en my man in Switzerland was en hy siek raak. Nou die oud suid-wester van my kan darem duits praat en dit het ons baie gehelp daar. Maar toe ons by die apteek kom is die apteker frans of iets en daar staan my man en kan nie dadelik dink wat is die woord vir diaree in engels is nie....................... en glo my sy engels is beter as sommige ingilse sin, die beste woord wat hy toe kon opdis was sh(ee)tings... ons lag nou nog daaroor. Ek kan net sien hoe hy vir my gaan lag met die skielike translation disleksie sindroom... want ek kan maar lekker sukkel.

Lekker visvang!!!

Groete tuis,

Louise

[Biltongboer]

Jawohl mein shatz - keine Deutch bitte!

[Stephen]

Ek vra nederig omverskoning, ek dag die woord is van franse afkoms.

Kan jy dink as hy moes vingertaal (beduie) praat soos Martin, watse ding dit sou afgee, nie eers gepraat van die byklanke nie.

[Johnny & Rene]

Martin en Biltonboer,

Wil net vir julle twee se as julle van die forum verdwyn sal almal hier geld bymekaar sit en n hitman kry om julle op te spoor.

Was dit nie vir julle nie is ek seker was die helfte van hierdie forum al mal van wag en geduld, dis mos die lelikste woorde op die stadium vir my.

Ek kan nie meer wag om al jou vertellinge te kom beleef nie, en jou beskrywings sal sekerlik die winkels in rep en roer he.

Ek en n vriendin wat ook oppad OZ toe is praat die naweek so, jy weet hier is ons bederf. As jy engels praat en die engelse woord ontglip jou gooi jy gou afrikaans of anders om en die gesprek gaan voort asof niks verkeerd is nie. Almal is nog met jou, selfs met grappe, almal lag nog steeds ewe lekker so met die engels en afrikaans deur. Nou wat gedoen as ons daar is en die engels ontglip soos jy nou net beduie het, aie gebare taal bly maar n wenner.

Geniet dit en stuur die foto van die eerste vis asseblief.

Rene

[Newcomer]

Janee! Ek is seker my liewe man gaan nou dadelik op'stock' op katrolle en stokke en goed, sodat hy nie te dadelik hoef te verduidelik nie. Is soos een van die ander gesê het - al het jy niks gevang nie, u've got the pose!!!

[Biltongboer]

Martin en Biltonboer,

Wil net vir julle twee se as julle van die forum verdwyn sal almal hier geld bymekaar sit en n hitman kry om julle op te spoor.

Rene

Yikes Dis nou as ek nie afgegooi word nie. Die sinodale moderators is darem nog geduldig met my stoutighede...

Dankie vir die morele ondersteuning.

[Bosluis]

Nou lekker gelag, laat my dink aanmyself somtyds, ek vind die ausies trek nie n spier op hul gesigte as jy verkeerd praat nie, hulle kyk jou aan totdat jy klaar gehakkel het.

[Willem en Luzelle JvR]

Hier vang ons sommer met die gooinet, riviervis. Maar die seevisvang klink... interessant! As ons eendag daar aankom, het jy hopelik al 'n vissie op die kole en kan ons lekker om 'n visbraai mekaar ontmoet. Groete!

[5vannemerwea]

Dit is reg, ons wag vir julle!!!